رصيف الذاكرة

يامرحبا فيكم عشاااق الشعر مرة اخرى اتشرف كثيرا بحضوووركم الجميل وتواجدكم المشرف
احبابي اليكم هذه القصيدة واللتي اخترتها لكم من ديواني الخااااص راجيا من الله تعالى ان تنااال رضاكم واستحسااانكم والمعذرة عن اي قصووور ولكم الشكر مقدما.

على حافة رصيف الذاكرة وقفت اناجيها
وهي في عالم النسيان تتمشى على سورة
تلاشت عن سما شوفي ظلام البعد كاسيها
يمرابها السحاب وتحتمي به خوف مذعورة
سرى بي هاجس الذكرى على انغام ماضيها
يذكرني اغاني شوقها بالحان مهجورة
اناديها ويرجع لي صدى صوتي واناديها
اخاف اتهزها ريح الجفا وطيح مكسورة
اخاف الي يضحكها يعود يوم يبكيها
وانا ما احبها تبكي دموع الوجد مقهورة
ابيها تلتفت يمي تحاكيني واحاكيها
عساها من ملامح نظرتي تسترجع الصورة
بذكرها زمان فات اخاف الوقت منسيها
ابيها تذكر عهود الغلا وتجدد عصوره
ابيها عن سنين التيه تتوقف خطاويها
ولاتطرد سراب احلامها وتصير مغرورة
ابيها ترجع لواقع غلاي الي يقديها
ولا ابيها تصير لغابة الاوهام مأسورة
الا وان كانها فاقت وخلتني امانيها
عهد مني لاخليها تعيش العمر مسرورة
والبس راسها تاج الغلا والحـب واهديها
ورود من بساتين الغرام العـذب وزهـوره

شكرا على ما جاد به قلمك